సూళ్లూరుపేట ఎమ్మెల్యే విజయశ్రీ చేతుల మీదగా అందజేత
చిన్నారి వైద్యానికి రూ.5.33 లక్షల ముందస్తు సాయం
- సూళ్లూరుపేట ఎమ్మెల్యే విజయశ్రీ చేతుల మీదగా అందజేత
అనారోగ్యంతో బాధపడుతున్న చిన్నారి మాగర్ల శాన్వి చికిత్స నిమిత్తం రాష్ట్ర ప్రభుత్వంతో మంజూరైన ₹5.33 విలువైన లెటర్ అఫ్ క్రెడిట్ ను ఎమ్మెల్యే చేతుల మీదుగా ముందస్తు సహాయంగా కుటుంబానికి అందజేశారు. తిరుపతి జిల్లా సూళ్లూరుపేట నియోజకవర్గానికి చెందిన మగర్ల శాన్వి అనారోగ్యంతో బాధపడుతోంది. ఆ చిన్నారి వైద్య ఖర్చులకు ముఖ్యమంత్రి సహాయ నిధి నుంచి ₹5.33 లక్షలు విలువైన లెటర్ ఆఫ్ క్రెడిట్ ని సూళ్లూరుపేట ఎమ్మెల్యే విజయశ్రీ తన క్యాంప్ కార్యాలయంలో చిన్నారి బంధువులకు అందజేశారు. సీఎం చంద్రబాబుకు బాధిత కుటుంబం కృతజ్ఞతలు తెలిపింది. ఈ సందర్భంగా ఎమ్మెల్యే విజయశ్రీ మాట్లాడుతూ ముఖ్యమంత్రి నారా చంద్రబాబు నాయుడు కృతజ్ఞతలు తెలియజేస్తూ ఆయన నాయకత్వంలో రాష్ట్ర ప్రభుత్వం వైద్యరంగంలో చేస్తున్న సేవలు అభినందనీయమని కొనియాడారు. ఈ కార్యక్రమంలో నియోజకవర్గ ఇన్చార్జ్ నెలవల సుబ్రహ్మణ్యం, పట్టణ అధ్యక్షులు ఆకుతోట రమేష్, కార్యదర్శి ఏజీ.కిషోర్, మండల అధ్యక్షులు కొక్కు శంకరయ్య, బొమ్మన శ్రీధర్, పచ్చవ మాధవ నాయుడు, తడ జడ్పిటిసి సభ్యురాలు ఇందుమతి, కార్తికేయ నియోజకవర్గ టిడిపి నాయకులు తదితరులు పాల్గొన్నారు.
